من دكتوره جلديه لاحلى بنات :اولا التقشيييير

السلام عليكم و رحمه الله
ده اول موضوع اكتبه هنا في فتكات
حنتكلم النهارده عن التقشير اللي بيتعمل في مراكز التجميل الكبيره
هدفي ان محدش يضحك عليكم ابدا
لو عجبكم الموضوع حكمل بعد كده بالميزوثيرابي و نضاره البشره و الخطوط البيضا و حقن التفتيح و علاج حب الشباب و الليزر لأزاله الشعر و الحقن الموضعي لأذابه الدهون و البوتكس للتجاعيد و الفيلرز المواد المالئه و اي موضوع تاني نفسكم نتكلم فيه انا معاكم
اولا ادعولي بصلاح الحال و ان ربنا يحفظلي اهلي من كل شر
ثانيا احكلكم الحدوته انا دكتوره جلديه ربنا وفقني من اول ما اتخرجت اشتغلت في مراكز تجميل كبيره "(انا متخرجه بقالي 7 سنين مش كبيره اوي يعني)و مع دكاتره ممتازين جدا لحد ما اتعلمت الحمدلله حاجات كتير جدا انا بشتغل بيها دلوقتي قعدت افكر انا استفدت منكم في حاجات كتيره اوي اوي اوي فرقت في حياتي فعلا وعمري ما سألت في حاجه الا وردتوا عليا فقلت الحاجه الوحيده اللي بفهم فيها كويس هيا الجلديه فقررت اشاركم
ثالثا انا مبحبش ادي روشتات على النت الا لما تكون حاجه واضحه جدا غير كده بخاف جدا ان حد يستخدم طريقه الكريم غلط او هوا يوصف حاجه وانا ابقى شايفه حاجه تانيه ولكده انا مش حجاوب الا على الحاجات الواضحه جدا اللي مفهاش لخبطه و ده علشان مصلحتك و علشان محدش يجي يدعي عليا بعدين
رابعا لو افتكرتوا حاجه تانيه نتكلم فيها قولولي و انا معاكم طبعاااااااااا
خامسا هدفي انك لما تروحي مركز تجميل تسألي حنشتغل بأيه و حنعمل ايه و تبقي متابعه القصه مش اي يحط اي حاجه و ادفع فلوس كتيره و امشي انا عاوزاكوا فاهمييييين
سادسا لو عجبكم الموضوع عرفوني علشان نكمل كل اسبوع موضوع
سابعا انا حضيف حاجات ممكن تعمليها في البيت في المواضيع اللي ينفع تعملي فيها حاجات في البيت زي مثلا التقشير و الخطوط البيضا و تساقط الشعر وهكذا
التقشير الكميائي chemical peeling
يعني ايه تقشير كيميائي و ما الهدف منه؟
يعني ازاله طبقات الجلد السطحيه الميته و غير الميته لتجديد خلايا البشره و تفتيح لونها
ماهي المواد المستخدمه؟
يختلف استخدام المواد و التركيز من حد للتاني ومن مكان للتاني يعني ايه يعنيتفتيح الوجه الماده اللي بنستخدمها فيه غير تفتيح المناطق الجساسه زي منطقه البكيني غير تفتيح الركبه المواد مختلفه و التركيزات كمان مختلفه يعني نثلا احنا بنستخدم المواد التاليه في التقشير
salicylic acid حمض الساليسليك و ده غالبا للأجسام الحساسه و المناطق الحساسه باختلاف تركيزاته
Geisner او حمض الفواكه و ده لتقشير الوش وخصوصا و الصيف داخل علينا
modified geisner وده حمض الفواكه المطور و يحتوي على ماده مخصوص لزياده تفتيح الجلد
TCA وده معرفش اسمه بالعربي ممتاز برده للوش باختلاف تركيزاته بس اوعي تعملي بيه ظهرك ارجوووووكي خدي بالك
Glycolic acid وده برده معرفش اسمه بالعربي غالي شويه الشغل بيه و لكنه بيجيب بتايج كويسه
ملحوظات مهمه جدا
اولا لازم تحضري بشرتك لمده اسبوع عشر ايام على الأقل وده بيكون بمواد معينه ويفضل المستورد عن المصري يعني مش اي حد يجي يقولك بشرتك بهتانه و هاوزه تفتح تعالي اعملك تقشير تروحي تتدفعي و تعملي فورا لأنه من غير التخضير بنخسر مش اقل من نص الجلسه بتاعتنا
تانيا الموضوع بياخد من 4 ل 6 جلسات ليه ؟تعالي افهمك انتي ممكن تعملي 4جلسات كل واحده تكلفك لوحدها مثلا من 50 ل150 حسب المكان اللي بتعملي فيه وتوصلي لنتيجه بدل ما تعملي جلسه واحده غاليه ولكن نستخدم ماده في الشغل الدكتور عاوزها تقشر مره واحده و يحصل الكارثه ان الماده ديه تحرق وشك مثلا لأن بشرتك حساسه و مستحملتهاش و بالتالي انا افضل نشتغل بالراحه و في المضمون بدل ما تعملي مره واحده و تحصل كارثه فخليكي فاهمه متفرحيش باللي حيقولك نقشر مره واحده الا لو عملتي test area منطقه اختبار
ثالثا لازم تحطي واقي شمس بعد الجلسه لما تيجي تخرجي من البيت لحد الجلسه اللي وراها واول يوم بعد الجلسه يفضل انك تقعدي فالبيت
رابعا في كريمات نستخدمها بعد كل جلسه للمساعده في تفتيح البشره وديهبرده تختلف حسب المكان و نوع البشره
خامسا لو عاوزه تعملي تقشير في البيت طبعا هوه مش قوي اوي زي المواد بياعتنا لكن البنات اللي عنهم مشاكل بسيطه متستهلش انها تروح تعمل تقشير عشانها او العرايس الحلوين اللي عاوزين نضاره لبشرتهم تملى البانيو ميه سخنه طبعا و تحط ملوا كوبايه كلوروكس الكوبايه ديه معيارها الكوبايه الزرقاء الغطا بتاع كلوروكس او فنجان القهوه وقده خل و قده ميه ورد و بعدين ما تقعد في الميه نص ساعه كده تقوم تفرك جسمه بالليفه المغربي في حركات دائريه من تحن لفوق بعد ما تكون نقعت الليفه في الخل طول ماهيه في الميه وبعدين تغسل جسمها بأي لوشن بتحبه و تحط كريم للترطيب اي حاجه عندك بتحبيها
اتمنى كده اكون غطيت الموضوع كله اي استفسار انا معااااااااااااااااكم معلش انا بتأخر شويه في الدخول على فتكات بسبب البيت و الشغل و كل الكلام اللي انتوا فاهمينوا طبعا لكن وعد قبل الموضوع الجديد حكون رديت على كل اسألتكم
المره الجيه لو حبن حنتكلم عن تساقط الشعر بشكل عام و الفيتامينات اللي ممكن تاخدوها و الميزوثيراي بأنواعه

مشكورة بس الجزء الاخير مافهمته

بس شكرا^^

thanks