السويت بتنــشف منـى وانا بستعملها اعمل ايــــه ؟ !!!!!

السلام عليكم ورحمه الله وبركاته

والصلاه والسلام على افضل الخلق

سيدنا محمد صلى الله عليه وسلم




النهارده جيبالكم سؤال سحرى كتيييير مننا بيتخنق منه

انا بالحمام والسويت نشفت منى وانا بستخدمها وكنت لسه مسيحاها

على النار اعمل ايه هو كل شويه هروح البتوجاز واسيحها ؟!!


طب اولا كده انا اتكشفت من خلال لفى ودورانى بخبرات البنات على النت

حاجه سهله جدااااا وكمان افيد من انك تسيحى السويت بالميه

طبعا اتفقنا من مواضيعنا اللى فاتت ان وانتى بتعملى السويت متعرضيش جلدك

للميه عالطووووول لانه بيسود الجلد واتفقنا نمرر بعدها

اللمونه تمريره بسيطه وبعدها تتشطفى تمام كده

وقولنا ان اللمون بيقلل نسبه ظهور الشعر وبيطهر الجلد وبيشده

ومافهوش ااااااااااى ضرر وانا بعملها من سنييين

لو قلقانه ممكن تجربيها على اى منطقه الاول غير المنطقه الحساسه

وهيه هتمررى بس اللمونه تمرير بسيط مش هتفضلى تدعكى كتير يعنى

المهم وانتى بتعملى السويت ونشفت معاكى هتجيبى

نص لمونه هتخليها جمبك كل ماتنشف تنقطى عليها نقطتين هتلاقيها

رجعت زى الاول طريه خااااااالص لا هتحتاجى تروحى على النار ولا وجع القلب تانى

وهيبقى فيها اللمون منها فيها وهتبقى افيد من لو طرتيها بالميه

طبعا كان عندى معلومه تانيه بستعملها بس لاقيت اخت لينا هنا

سبقتنى وقالتها وهيه طريقه حلوه وسهله جداااااا تسييح السويت وهتحبيها

افضل من هاتك وشد على النار لحد ماتطرى وتلاقى نفسك اتخنقتى


انا اخدت فكرتها من السويت اللى بالعلب البلاستيك المدوره


بصى انتى هتجيبى السويت ايا كانت حتى لو معموله بالبيت

وتحطيها جوه كيسه بلاستيك وتلزقيها وتقفليها حلوه وتجيبى طاسه صغيره

وتحطى شويه ميه ووسطها السويت وهيه مقفوله وتسبيها وسط الميه

على النار لحد ماتلاحظى انها خلاص ساحت

دى اسهل واريح بكتييييييييير من طريقه الشد على الايد العاديه

وكمان هتسيح بسرعه وهتكون افضل معاكى باذن الله


واخدت صوره للسويت وهيه بالاناء واسفه جدا لصاحبه الموضوع الاصلى

بس طبعا مش هنحطها فى اناء ازاز هتحطيها بطاسه او اناء الومنيوم صغير

واستغفر الله لى ولكم

ويارب تكون نصيحتى الصغيره تعجبكم يارب

ادعولى بتيسيير الحال والستر والهدايه وفك الكرب