√ودعى الشعر اللى تحت الجلد

ازيكم يا قمرات

اول كلامى
صلي علي حبيبك محمد صلي الله عليه وسلم
( اوعوا تنسوا تصلوا على النبى )

ربى اللى يعلم اد ايه انا تعبت فى موضوعى
ده عشان عيونكم انتم

وكمان لانى اتاذيت من المشكله دى خصوصا الشهر ده
لانى استخدمت الحلاوه
بصوره غلــــــــــط
بس كله جه على دماغى
فعلا الاهمال وحـــــش

كلنا طبعا بعد عمل السويت بكام يوم فى ناس شعرها لما
بيبدأ يطلع بيطلع تحت الجلد الاول

صح؟؟

وبنفضل نشد فى شعرنا هوه ليه عامل كده يمكن اتجن وطالع تحت الجلد
بجد مشكله بالذات لما بيطلع فى المناطق الحساسه وبيضايق جدا
وبيظهر فيها حبوب وبتحمر

طب هنعمل ايه

هنحاول نخلى ازاله الشعر بطريقه صح يعنى فى اتجاه نمو الشعر
تانى حاجه هنعمل تنضيف وتعقيم الجلد المراد نزع الشعر منه
عشان الميكروبات اللى بتسبب التهابات

عموما الشعر ده بيحصل بعد ازاله الشعر سواء من حلاقه
بشفره او سويت او كريمات ازاله
اللى بيحصل لما الشعر بيكبر نتيجه نزعنا للشعر غلط فبيخرج عن طريق المسام
المجاور ليه ومش بيخرج بره وبيفضل تحت سطح الجلد وده بيصاحبه ظهور حبوب والتهابات
لان مسار الشعرايه مش فى مكانه
( سبحان الله العلى العظيم )

شوفوا الشعرايه العاديه والشعرايه التانيه




لقيت ان الطريقه والحل للخلاص من ده

الطريقه الاولى

الصنفره
باى طريقه صنفره انتى عرفاها
ويفضل انها تكون طبيعييه زى ( زيت الزيتون + السكر )
وبحركات دائريه تتدعكى رجلك بيها وبعدين لما تخلصى رطبى
جسمك باى كريم مرطب موجود عندك



الطريقه التانيه

احضري الحجر الخفاف
( الحجره السوداء) اللي من عند العطار او الصيدليه
وممكن تختارى النوع الناعم مش الخشن
وبللي رجلك بالماء ورغوة الصابوون وأخذي الحجره
ودلكي فيها الساق بشكل دائري مع عقارب الساعه وعكسها
هتشوفى اختفاء النقط السوداء ظهور الشعر عادى
وبعدين غسلي الساقين بماء بارد او دافي وامسحيهم بالفوطه
وحطى فازلين او نشا او تلجه حتى تسد المسامات ..



الطريقه التالته
الليزر
بس للامانه انا معرفش اى حاجه عن الحل ده فمش هقدر افتى فيه



بالنسبه بقا للوصفات اللى تخلى ظهور الشعر ده يقل
وهى

1- انقعي ترمس في ماء لمدة 6 ساعات، ثم خذي الماء واحتفظي به في الثلاجة
وادهني منه على ايدك ورجليكِ وكل مكان عاوزاه خالي من الشعر
واستمري على ذلك لمدة 3 أسابيع يومياً.

2- خذي زيت الزيتون وادهني به جسمك، وستلاحظين أن الشعر نموه يتأخر ،
وعندما يظهر سيظهر خفيف ، وإذا كان الشعر نوعه غليظ فإنه سيظهر ضعيف جداً




نصيحه كده على الماشى للى بيستخدموا الحلاوه زيى
( اصحاب كار يعنى ههههه)
خلى بالك من إستعمال الحلاوة كتير عشان ترهلات الجلد

و متحاوليش تشيلى الحلاوة بسرعة يعنى سبيها شويه على جلدك
وبعدين شيلى مره واحده
بالنسبة لشعر الإبط ده موجود باتجهات مختلفة فلازم نراعى الاتجاهات دى
بعد الإنتهاء من إزالة الشعر استخدمى ملطف ومهدئ
زى البانثينول وفاركوسين وسعرهم 3 جنيه
هيهدوا بشرتك من الاحمرار والحبوب

نصيحه برضو للى بيستخدموا البراون
ياريت محدش يستخدم مكنه حد عشان ده اكبر غلط
واساس كل المشاكل ودايما نضفيها بقطنه عليها مطهر

يارب اكون افدتكوا بحاجه